Mirësevini në Studion Ligjore “Daci”!

Studio Ligjore “Daci”, ushtron veprimtarinë e saj kryesisht, por jo vetëm në fushat si vijojnë:  këshillim ligjor, hartim dokumentesh veçanërisht të kontratave ndërkombëtare, dokumenteve të themelimit të shoqërive tregtare, organizatave jo fitimprurëse, sindikatave dhe formave të tjera të organizimit. Përfaqësim ligjor përpara gjithë gjykatave të shkallës së parë, gjykatave të apelit, Gjykatës së Lartë, Gjykatës Kushtetuese të Republikës së Shqipërisë dhe para personave të tjerë fizik dhe juridik publik dhe privat,  duke përfshirë dhomat ndërkombëtare të arbitrazhit, Gjykatën Evropiane të Drejtave të Njeriut etj. Po ashtu, studio ofron edhe ndihmë ligjore në përgatitjen e aplikimeve për viza për shtetet që bëjnë pjesë në zonën schengen si dhe shteteve të tjera.

Studio Ligjore “Daci”, ofron shërbimet e saja edhe në Kosovë, Maqedoni, Itali, Shtetet e Bashkuara të Amerikës dhe në Mbretërinë e Bashkuar nëpërmjet bashkëpunimit me partnerët tanë në këto vende.

Studio jonë, përgjithësisht praktikon strategji mbrojtje të ndryshme në varësi të natyrës së rastit, palëve të përfshira dhe rrethanave të tjera, por shpesh, veçanërisht për rastet penale praktikon një filozofi të thjesht: duke mundësuar një mbrojtje profesionale dhe të fuqishme për qytetarët dhe subjektet e tjera të akuzuara për kryerjen e veprave penale.

Studio Ligjore “Daci”, përfaqëson një grup shumë të gjerë klientësh si: drejtues të shoqërive tregtare, doktorë, avokatë, gjyqtarë, ligjvënës, gazetarë, administratorë, mësuesë, punonjës, zyrtarë ushtarak etj. Studio ofron edhe shërbime profesionale të parandalimit duke këshilluar shoqëritë tregtare dhe personat e tjerë me qëllim parandalimin e problemeve rregulluese dhe penale gjatë aktivitetit të tyre.

Kjo faqe është konceptuar për të mundësuar një informacion të përgjithshëm rreth studios, njerëzve që punojnë për studion dhe shërbimeve që ofron. Për më tepër, seksioni i publikimeve dhe për studentët do të ofrojnë për praktikantët e së drejtës, studentët dhe personat e tjerë, material leximi, tekste ligjore, raste studimore dhe punime akademike të shkruara nga punonjësit e studios dhe të publikuara në revista shkencore kombëtare dhe ndërkombëtare.

Faqja është konceptuar edhe për të kontribuar në edukimin e njerëzve me parimet e drejtësisë, respektimit të të drejtave të njeriut dhe vlerave të demokracisë.